Para falar da cultura do porno, gustaríame comezar este post cun exemplo moi significativo do que é. Recordo aquelas clases dos últimos cursos de Educación Primaria nos que se comezaron a explicar os aparellos reprodutores masculino e feminino. Mentras a maioría das rapazas da clase nos mantíñamos caladas e líamos no libro con total normalidade o que tiñamos no noso corpo, cada vez que se mencionaba a palabra "pene" ou "vaxina", a parte da clase na que estaban sentados os homes enchíase de gargalladas.
Nos primeiros cursos da ESO o mestrado nun intento de facer as clases máis atractivas soía levarnos ata a clase de informática. Poñían apuntes na arcaica aula virtual do instituto e traballos a facer. Outra vez, as rapazas adicábamos a facer os traballos, ou mesmo xogar ao buscaminas ou ao solitario. Mentras que pola parte dos homes empezaban as risas. Os vídeos porno nas pantallas, cando aínda nin coñecíamos os nosos corpos. Cando para nós resultaban vídeos incómodos de ver ou incluso irrespetuosos, os rapaces da clase víano como puro humor.
Daqueles nenos que atopaban os vídeos pornográficos como humor, ou consumían pornografía dende que eran estudantes de Educación Primaria, posiblemente naceron adultos con problemas non só á hora de practicar relacións sexuais, senón á hora de relacionarse con mulleres. Tampouco é sorpresa ver a homes posicionarse completamente en contra da abolición da pornografía ou da prostitución. Está moito máis normalizado do que podemos pensar nun primeiro momento. Pensamos "non, e que ningún home que coñezo pensaría así", cando nada máis lonxe da realidade. Estamos rodeadas.
Comentarios
Publicar un comentario